السلام عليكم ورحمة الله وبركاته ،،الاول : كل سنة وكلكم بخير يارب تكون سنة سعيدة
عليكم ويارب يبقى كلها فرح
رجعت تانى للتدوين بعد طول غياب =D
عدى رمضان وعيد الفطر وعيد الاضحى
كل ده كنت نايمة ،، انا بصحى فى الامتحانات بس
بعمل اى حاجه وبخترع اى طريقة ابعد بيها عن
المذاكرة ،، الشيطان بقى ربنا ياخده =D
عايزة افضفض بحاجه كده بمناسبة الامتحانات
انا دلوقتى فى سنة رابعه يعنى شوية نونو اتخرج
بأذن الله ،، بقالى اربع سنين فى الكلية بمتحن شفوى
فى سنى اولى كنت عاملة زى الصورة الى فوق دى !!
خايفة جدا و كان حد قافل بؤى ومش عايزنى اتكلم
ببقى عندى رهبة فظيعه من الدكاتره بس ،، بس ربنا بيوفقنى
ولما ادخل مش بعرف بيحصلى ايه ببقى عندى ثقة فظيعه
حتى لو رديت غلط =D
عديت سنة ورا سنة والرهبة بتزداد اكتر و ببقى مرعوبة اكتر
وبقول لنفسى المفروض اكون اتعودت بقى !!
دلوقتى بقى انا تقريبا بموت فى جلدى خايفة جداااا مش عارفه ليه
مش علشان ذاكرت او لأ !! خالص
امال ايه يا شيكو ؟؟ مش عارفه ارد على نفسى اصلا !
بتسأل هو انا فى سنة اولى ولا رابعه !!
هو مش المفروض الخوف يقل مش يزيد !!
ولحد دلوقتى نفسى مش جاوبت على اسئلتى ؟؟
^_^
