العين لا تبكى الا اذا بكى القلب

والقلب لا يبكى الا اذا اشتد وقع الهم عليه

والهم هو الحمل الثقيل على القلب الذى يطبق على الصدر

وترى ان هناك غيمة سوداء بدأت تغيم على قلبك

وتخنقك فتحاول ان تتنفس بسهولة وتطلق صرخات وآهات لعلك ترتاح

فتنهار فلا تجد امامك سوى البكاء والخضوع لتلك الدموع



واعتقد ان اعز الدموع دموع الشوق والانتظار

واعظم الدموع دموع الخشيه من الله عز وجل

واصعب الدموع دموع " الموت "وفراق الاحبه

:: :: :: ::

فيبقى البكاء بكاءاً فهو ذرف دموع

تنهمر على وجنتنا على ما تقره انفسنا

ونمسحها بطرف كمنا ،، ثم نتابع مشوار الحياة

فهى وان انهمرت دمعة لا اقل ولا اكثر!!

انا صح وبابا صح ..

اول امبارح كنت عماله اتناقش واتجادل
مع بابا فى شىء ما
وانا بقول رأيى وبابا كمان
انا مقتنعه بكلام بابا وكلامه صح بس هو لأ
مع ان كلامى صح وماما معايا كمان ومحمد
،،،
الموقف ده فكرنى بقصة
بتحكى عن .. ان طُلب من ثلاثة عميان
انهم يدخلوا غرفة فيها فيل ويكتشفوا هو عامل ازاى

الاول قال انه اربع عمدان
والتانى قال زى الثعبان
والتالت قال زى المكنسة
والتلاته قعدوا يتخانقوا ويتجادلوا
وكل واحد متمسك برأيه
مين فيهم غلط ؟؟
،،،
ولا واحد
:: لأن كل واحد اعتمد على برمجته بالاحساس بالشىء ::
واحد ماسك الرجلين
والتانى الخرطوم
والتالت الذيل

بس لو حد فكر فيهم انه يأخذ راى التانى ويجمعه
مع باقى الاراء حيكون شكل للفيل

ومن هذا المنطلق بقول لبابا او اى حد
ان للحقيقة وجوه كثيرة
لما بنختلف ده مش معنى ان فى حد منا على خطأ
ممكن نكون كلنا على صواب
،،،
لأن ببساطه شديدة كل منا
" يرى ما لا يراه الاخر"
لكن لا نعتمد فقط على نظرتنا للأمور لازم اسمع اراء باقى الناس
لأن كل واحد عنده حاجه حتفيدنا ومنها حنقدر نكون رأى شامل وسليم

بعيدا عن ده بقى
انا صح يا بابا

D:

تااااااااااج ..

تاج جالى من الباش مهندس طارق 
شكرااااا... 

اسمك ؟
شيماء

المشهور بيه وسط اصحابك؟
شيكو 

مجال دراستك ؟

السن قسم المانى

اسم مدونتك ؟
a few Moments in Life

صورتك الرمزية في المدونة بتعبر عن إيه ؟؟
بتعبر عن انى بعوم فى اللحظات الى بمر بيها 

هل فكرت في اغلاق المدونة والسبب ؟

لأ .. عشان لسه فتحاها  

ايه رد فعلك لو حد قل ادبه في تعليق ؟
اكيد مش فى حد حيقل ادبه لأن الى عندى ناس محترمين 
بس لو حصلت يعنى حرد عليه بأدب 

اسوأ مدونة ؟
لأ مش اعرف 

هيحصل ايه للايميل بعد ما تموت ؟
حيموت معايا .. 

اديت الباسوورد لحد قبل كده ؟
لأ .. 

السفر بالنسبة لك ؟
متعه ..

الموووود بتاعك ايه ؟؟
تمام الحمد لله

بتعمل ايه في وقت فراغك؟
بقرأ .. واتصفح النت .. وساعات بكتب خواطر واشعار 

الأكلة المفضلة ؟؟
مكرونه بجميع انواعها وطرقها 
والبطاطس كذلك ... والبيتزا 

الصفات التي أخذتها من والدي ؟
مش فى ..

لصفات التي أخذتها من والدتي ؟
الطيبة .. الحنية .. الاراده القويه جدا ..
الثقة بالنفس .. الايثار .. الصراحه .. 

اكتر ست حاجات بتكرههم ؟
الكذب .. النفاق .. الغيرة 
الغرور .. السلبية .. مم تكيد فى كتير 
بس دول الى فى دماغى ناو ..

اكتر ست حاجات بحبها؟
بحب بابا وماما ومحمد ونور وتيتا
وكابوتشا ودودو ومومو D:

شخصيتك نوعها إيه؟

ممم .. مش عارفة بس منكن حد يجمع صفاتى 
ويبقى يقولى ... بس عموما انا حبوبه اوى .. و قياديه 

لماذا دخلت عالم التدوين من الاساس ؟
جوايا حاجات كتير عايزة اطلعها ومش ينفع اطلعها 
فى اى حته فقولت حطلعها فى مدونتى واكتب كل حاجه 
بكل حرية .... بس 

أحلي جملة قيلت في وصف مدونتك ؟
ان شاء الله تحققي منها اللي انتي عايزاه واكتر

اهمية التعليقات بالنسبة لك ؟
اهميه كبيرة .. فى حد يقرأ كلامى 
ويعلق عليه .. بحس انى مهمه 

احلى بوست كتبته ...ضع اللينك , ثم اذكر لماذا؟ 
امى .. لأنه عن احلى وارق واجمل انسانه 

أفضل مدونة قراتها ؟
لسه مش قرأت كله بس حتى الان 
الكلمة ... لهيلسنج

أفضل بوست قراته ؟
فى حاجات كتير قراتها .. مش فاكره

الشغل بالنسبة لي ؟
اى شغل يفيد البشرية يبقى حاجه عظيمة 
وانا عايزة ابقى معلمة ... يبقى اكيد دى حاجة عظيمه 
+ كيان ليا ... 

الانترنت بالنسبة لك ؟
ثقافه .. تسليه 

تمرر التاج ده لمين ؟
هما هما نفس الاشخاص 
باش مهندس طارق
HelSiNg
Dina

مومو
وزهرة

المرجيحه !!

ياااااااااااااه لما الحنين بياخدنا 
لمرجيحه بتحضنا

ويااااااااااااااااه وبتعلى فوق صور بيتنا 
تاخدنا لفوق وبتساعنا

نلاقى الطفل جوانا 

عنيه بالفرحه مليانة 

وضحكه مش مفرقانا 

فى بشرة خير لأيامنا

مش عارفه كل ما اسمع الاغنيه دى 
بحس بحاجات واحاسيس كتيره اوى 
غير انها بتفكرنى بذكرايات الطفوله
والايام الجميلة

بحس ان حياتنا زى المرجيحه
لازم نركبها عشان نعرف نحياا 
ونحقق طموحتنا واهدافنا واحلامنا

ساعه نقرب منهم وفجأة نبعد عنهم
بس ما بين القرب والبعد ده
فى حاجات كتير بنمر بيها 
ونلمسها ونحسها عشان هى 
الى بتعلمنا و بتعملنا وبتوصلنا فى النهايه
لطموحتنا واحلامنا واهدافنا

ولو بطلنا نبعد ونقرب هتقف المرجيحه
ويقف معاها فرحنا وحزننا وتعبنا وامالنا

علشان كده لازم نتمرجح !!

أمى ..

امى فى لحظه تشعرين انك

شخص فى هذا العالم 

بينما هناك شخص يشعر انك العالم بأسره 

I love you mom and

i'm lost without you

اخيراا ..

اخيراا وبعد طول انتظار ..

السلام عليكم ورحمه الله وبركاته ،،

ازيكم يا جماااعه .. يا رب تكونوااا بخير

اخيرراا فتحت المدونه بتاعتى

يلا بقى انتشروا فيها وقولولى رأيكم فيها

لما انزل البوستات يعنى ....

ولو فى حاجه مش عجباكوا قولولى برضو

سيررررررررررررى يا نورماندى