السلام عليكم ورحمه الله وبركاته ،،
النهارده قابلت واحده جارتى اعرفها من ثانوى
اول مره اشوفها بعد ما اتجوزت بقالها شهر تقريبا
وقعدت تحكيلى ان زوجها طيب وحنين وبيحبها
بس هى لأ مش عارفه تبادله نفس المشاعر
سألتها ليه ؟؟ قالتلى عشان كل ما ابصله احس انه
مش عارفه مين الى سابنى وراح لمين !! وابقى عايزة اقوم اقتله
ومش عرفه مين الى عمل كذا ببقى مش طيقاه !!
:: لا حول ولا قوة الا بالله ::
انا بجد فى اللحظه دى سرحت منها وحسيت بمشاعر مختلطه
حزينة طبعا على حالها وعلى حال كتير من البنات زيها
وفى نفس الوقت فرحانه بنفسى وفخوره جدا بعظمه الاسلام
فى الحكاية دى الى بيغفل عنها كتير من بناتنا
انه حرم العلاقات المحرمه والصحوبيه و و الخ ..
لأن ازاى البنت هتبادل زوجها نفس المشاعر لو هى اديت
مشاعرها لده ولده قبله وتوصل لزوجها وتبقى عامله كده
حاسه بمراره التجارب الفاشله الى قبل كده
بجد بحمد ربنا كتير انه حافظ جوايا كتله وكنز المشاعر الى مخبياه
من وانا طفله حتى الان عشان اديهم لرجل واحد فقط " زوجى"
يارب ثبتنى وارزقنى واياكن يا بنات بالزوج الصالح والذريه الصالحه
والولاد كمان ارزقهم بالزوجة الصالحه والذريه الصالحه
آمين
آمين
آمين
النهارده قابلت واحده جارتى اعرفها من ثانوى
اول مره اشوفها بعد ما اتجوزت بقالها شهر تقريبا
وقعدت تحكيلى ان زوجها طيب وحنين وبيحبها
بس هى لأ مش عارفه تبادله نفس المشاعر
سألتها ليه ؟؟ قالتلى عشان كل ما ابصله احس انه
مش عارفه مين الى سابنى وراح لمين !! وابقى عايزة اقوم اقتله
ومش عرفه مين الى عمل كذا ببقى مش طيقاه !!
:: لا حول ولا قوة الا بالله ::
انا بجد فى اللحظه دى سرحت منها وحسيت بمشاعر مختلطه
حزينة طبعا على حالها وعلى حال كتير من البنات زيها
وفى نفس الوقت فرحانه بنفسى وفخوره جدا بعظمه الاسلام
فى الحكاية دى الى بيغفل عنها كتير من بناتنا
انه حرم العلاقات المحرمه والصحوبيه و و الخ ..
لأن ازاى البنت هتبادل زوجها نفس المشاعر لو هى اديت
مشاعرها لده ولده قبله وتوصل لزوجها وتبقى عامله كده
حاسه بمراره التجارب الفاشله الى قبل كده
بجد بحمد ربنا كتير انه حافظ جوايا كتله وكنز المشاعر الى مخبياه
من وانا طفله حتى الان عشان اديهم لرجل واحد فقط " زوجى"
يارب ثبتنى وارزقنى واياكن يا بنات بالزوج الصالح والذريه الصالحه
والولاد كمان ارزقهم بالزوجة الصالحه والذريه الصالحه
آمين
آمين
آمين
40 التعليقات:
ربنا يثبتك يا شيكو ويوفقك في حياتك
و يرزقك الزوج الصالح والذرية الصالحة ^-^
يعني ايه ؟
يعني هي مش عارفة تبادل جوزها نفس المشاعر عشان بتحب حد تانى
وايه اللى خلاها تتجوز اصلا مادام هي لسة متعلقة بحد
كدة تظلمه
طبعا الحمدلله ان ربنا قدرنا على اننا نحافظ على المشاعر دي لغاية ما تطلع فى وقتها المناسب
والناس التانية مش واخدين بالهم انهم بيستهلكوا مشاعرهم ولغاية ما يتجوزوا يحصل زي البنت دي كدة
تبقي مشاعرهم مستهلكة
الحمدلله
جيت قبل ماروح المدرسه
صحينا بدري انهارده :D
عموما الكلام الي ف التوبيك بجد عندك فيه
اللهم امين يااارب
باذن الله يرزقك كل الي بتحلمي بيه
سلام ياقمر
ماشاء الله بوست رهييييبه
فعلا البنات بالذات غير الولاد.. والحب الاول كمان غير اي حب..
حرام بجد حد يخربش قلبها على الفاضي ولا تسليه ولا لعب عيال :(
هي بتفضل فاكره الحب الاول غالبا علطول.. وبتفضل تقارن بين الصوره المثاليه الوهميه بتاعه الحب الاول اللي معليهوش اي مسؤليات حقيقه ساعتها.. وبين جوزها الفعلي الحقيقي بكل المسؤليات والضغوط اللي عليه..
بجد اكتر واحده بتتظلم هي البنت
اد ايه حاجه رائعه فعلا يكون الحب الاول هو حبها لجوزها !! دي حاجه رهيبه جدا على فكره وزوجها حيكون فرحان جدا بالببنت ماشاء الله
عوده جامده جدا ماشاء الله للبلوج :)
البوست ده بجد وجعني قووووي يا شيكو
وعيني دمعت من جمله اتقالت في أحد التعليقات ..
عايزه أضيف شوية حاجات كده
* لو الزوج بيعطي مشاعر حقيقيه عمر الزوجه ما تفكر في أي حب قديم ولا جديد ولو حصل يبقى بجد دي إنسانه بترفض نعمه في إيدها عمرها متقدر تعوضها ..
* فعلا بيحصل إن ممكن الزوجه أو الزوج كلاهما يعمل مقارنات بين التجارب السابقه والوضع الحالي وده غلط جدا لأن المفروض محدش يحاسب حد بذنب حد آخر ..
* التجارب السابقه دي مش شرط تكون صحوبيه أو علاقات تسليه ولعب لأ ممكن كمان تكون خطوبات أو زواج سابق ..
* خلينا نركن العلاقات الخاطئه دي على جنب لأن بإذن الله عمرها ما تكون طريقنا هي البنت بطبعها حساسه وعاطفية ومشاعرها رقيقه فبتفرح جدا لما تلاقي حد بيحبها بغض النظر هو بيتسلى أو نيته عامله إزاي أكيد هي غلطت بردو بس هي صدقت مشاعره وفي أغلب الأوقات البنت إللي بتحافظ على نفسها لما تلاقي أي مشاعر ناحيتها بتحاول تخللي مسار الموضوع بشكل رسمي وشرعي عشان مشاعرها متتجرحش ..
عارفه إن كل جمله بقولها في وادي بس بصراحه البوست عاجبني وعايزه أعلق عليه ..
دايما كنت أسمع من مدرساتي ومن ناس تانيه بتقدم نصيحه وكده إن قلب البنت أو مشاعرها يعني زي " الجوهرة " ثمينه وبراقه وجذابه وبتلفت كل الأنظار حواليها ومع ذلك محدش يقدر يقربلها إلا إللي يقدر ثمنها ويستحق ياخدها إللي هو الزوج يعني
فتخيلو الجوهره دي كل خدش فيها بتعمل ايه .. قلب البنت زي كده بالضبط ..
بس عندي سؤال هل ممكن نعيد صقل الجوهره دي ونزيل كل الخدوش إللي عليها دي بدون اي آثار جانبيه !! ولو ينفع طيب إزاي !!
هل حب زوجها وصيانته ليها يكفي لتعويضها عن كل ما مضى ولا هتفضل تتعذب كده علطول !!
ياااااااه ايه كل الرغي ده ..
معلش يا شيكو
اخيرا لقيت حد بيفكر صحححححححححح
انا مبسوطه جداااااااااا
انتي بنوته ميه ميه بجد
ده تقريبا اول كلام يدخل قلبي في اي مدونه
واول كلام بجد بجد بجد اروع من رائع
انا فرحااااااااااانه بيكي يا شيكو جدااااااااا
انتي جميله اووووووووووووووي
:)) :))♥
دافعة فلوس لكام حد ياشيكو
:P
الموضوع مبالغ فيه
:D
إني ملكة
مش متفقة معاكِ
كنت لسة مع واحدة صاحبتي انهاردة
وبتقولي انه كل ما يجيلها عريس ترفض
بسبب انها كانت بتحب شخص ما في الأول
بس مكنش بينهم ارتباط
بس مجرد مشاعرها ليه
مش مخلياها تقدر تفكر في الارتباط بشخص تاني
أو مجرد الفكرة انها تفكر فيها يعني
فعلا حسستني بنعمة ربنا علينا
واننا لازم نحمده ونشكره سبحانه
يا بنتي قدري اللي انتي فيه
واحمدي ربك واسئليه الثبات سبحانه
على فكرة انا مكملتش قراية ردك
بس ده تعليقي على أوله فقط
أصلي بصراحة مش شايفة قدامي :D
هكمله بعدين بإذن الله ;)
موم مالك غيرانة ليه :P :P
فعلا عظمه الدين والاخلاق ليس لها منافس
والبنات اللى بتزعل وتقول اشمعناانا ماحبش وعيش حياتى مش فاهمه قد ايه ربنا بيحافظ عليها وعلى مشاعرها
دودي أنا عارفه إن في ناس كده فعلا
ومع كمان إن يفي ناس راضيين بأي حاجه ربنا يكتبها لهم يعني لو محصلش واتجوزوا إللي بيحبوه خلاص الدنيا موقفتش
مش معنى كده خااااااالص إن حبهم مش حقيقي بس هي بتكون خلاص مقتنعه وواثقه في ربنا إنه أدرى منها بالخير ليها وإن زوجها إللي ربنا كتبه لها أحق بحبها ده
أنا شايفه إن أي حب لغير الزوج بيكون وهم حتى لو كان حب حقيقي وصادق بس مش في مكانه الصح وفي ناس بتتعذب وتعذب الطرف الآخر معاها بسبب الحب القديم
مش الإخلاص إننا نخلص لحبنا الأول الإخلاص الحقيقي إننا نخلص لزوجنا ومنخنوش ولو بمجرد التفكير في حب قديم أو اي وهم آخر
جزاكم الله كل الخير على
ردودكم اسعدتنى طلتكم على البوست
وعذرا على التاخير فى الرد
ليا عوده ارد على واحد واحد :)
shikohaity waiting for you my dear ;)
إني ملكة انا معاكي في كل ده
ومع شيكو في بوستها
بس انا بتكلم عن فئة موجودة أصلا
أنا مش مقتنعة بفكرهم
وأصلا المفروض انه ميكونش فيه حب قبل الزواج
علشان يكون الحب ده فعلا أول حب في حياتها وتكون أول مرة مشاعر البنت تتحرك فيها
متكونش مستهلكة ومتتعرضش في يوم لو حصل مشكلة متفتكرش حبيبها الأولاني مثلا أو تقارن ما بينه وبين زوجها
مع ده فيه ناس عندها تسليم ورضا كامل بقضاء الله
ورغم انها نفسها تحب فعلا وتتحب
بس مستنية لحد ما ييجي وقته
بس كفاية كدة :D
بوست جميل :)
معذرة بس أختلف معاكي في نقطة, تقريبا باستثناء اني ملكة , انتوا متجاهلين تماما تماما اختراع جديد اسمه "خطوبة" :) انا بقول كده لأن طول البوست والردود بتقولوا ان ده ذنب البنت عشان فرطت في حبها في علاقة غلط قبل الزواج... منين حكمنا انها اكيد علاقة غلط؟! مش يمكن كانت خطوبة مثلا؟! وبعدين لغاية ما الطلاق يتحرّم هيفضل فيه سيدات مطلقات :) هل معنى كده ان السيدات دول يقفلوا على نفسهم وينتظروا الموت لأنهم مش هيقدروا يحسوا بأي سعادة بعد كده عشان سمحوا لأنفسهن انهن يحبوا ازواجهن؟!!!
انا معاك ان لازم يكون فيه تحفظ وان مشاعرنا أغلى من انها تضيع في علاقات بدون التزام او مستقبل, لكن ارفض تماما فكرة ان المرأة زي العربيات والموبايلات فيه منها جديد غالي جدا او مستعمل نازل سعره للنص :)
مقلتش ان المدام تماما زي الانسة
في الحديث:هلا تزوجت بكرا تلاعبها وتلاعبك. رواه الجماعة
بس لو بالطريقة دي, اضمن ان البنت تفضل قافلة على قلبها الى الأبد لا في خطوبة ولا في كتب كتاب ويمكن لحد اول سنتين تلاتة من زواجها كمان عشان كده أضمن برضه محدش عارف الظروف :)
كونها حبت قبل كده سواء من طرف واحد او اتنين "في اطار لا يخالف الشرع وقد لا ينتهي بالزواج زي الخطوبة" ده لا يعني انها تحرم من السعادة بقيت عمرها!
وحكاية ان حد يجرحها, مهما كنا حذرين واذكياء واجتماعيين بل وموسوسين كمان, مش هنقدر ابدا ابدا نمنع حد من انه يجرحنا ايا كانت مكانته, زي ما تقفلي باب شقتك كل يوم بالمفتاح ويوم امتحان من اللخمة تنسي وتتسرقي, الشرطة هتقولك براءة انتي اللس سبتي الباب مفتوح؟ ربنا مش هيحاسبه عشان انت مكنتيش حذرة؟,ماهو لو الحذر لوحده بيحمي, مكانش بقت الدنيا فيها المصايب دي كلها, ومكانش ربنا عمل جنة ونار وعقاب وثواب وآخرة يقتص فيها المظلوم من اللي ظلمه, وحتى الرسول عليه الصلاة والسلام, قال :
اللهم إن هذا قسمي فيما أملك، فلا تلمني فيما تملك، ولا أملك
وده الرسول عليه الصلاة والسلام....
εïз Semsema εïз
اللهم آمين يا سمسم
وبنات المسلمين اجمعين :)
كفاية طيبة
هى كانت بتحب حد تانى وطبعا
ده كان ارتباط كده اى كلام
فتجوزت قريبها لما اتقدم
وبس هو بيحبها وهى لأ عشان لسه فاكره الى قبليه
وفعلا الحمد لله منور يا جميل
مونى
معلش اوعى تكونى اخرتك
وميرسى على زيارتك :)
عمك ياض
كلامك تمام :)
منور البلوج يا رب دايما :)
انى ملكه انا متفقه معاكى
بس حكايه الزوج بيدى مشاعر حقيقيه او
حتى لأ ده مش يمنع انى اصونه وابعد اى حاجه عن تفكيرى لنى حتى بالتفكير تعتبر خيانه ليه الى امنى على اسمه وسمعته و و و
وباقى الكلام متفقه معاكى فيه
وبالذات ان البنت جوهره
وزى ما قلتى لو اديت لكل واحد شويه
حب الجوهره هتتخدش كام مره وتبقى عامله ازاى فى الاخر
بالنسبه للسؤال
ايون تقدر تعيد الجوهره كما كانت
بحب زوجها لو بيحبها بجد
وهى بدات تحبه هتحافظ على نفسها اكتر عشان خاطره وده جزء من التقرب الى الله يعنى توبه عن الخدوش الى حصلت قبل كده وبعدها هتحس ان مش فى حاجه حصلت
ما دام بيتها كله حب فى الله
منوره يا دودو
وبجد كلامك جميل اوى
و مش رغيتى ولا حاجه يا بنتى :)
ثلوج منوره يا قمر
وايه الكلام الكبير ده
ربنا يكرمك يا رب
:)
نورينا دايما بقى
مومو امشى بقى
ادتلها جنيه وربع :P
دودو دينا
منوره يا قمرى :)
شيكو
بجد بوست جميل اوى
وحاساه أثر فيا بجد
بجد بيصعب عليا حال البنات الي بتعلق نفسها باوهام الحب
هما الي بيعملو كده في نفسهم وبردو هما الي بيرخصو نفسهم لما يصحبو ده ويكلمو ده وتحب ده
وبردو هيا اكتر واحده بتندم علي كده
ثانكس شيكو علي البوست
دودو وانى ملكه
كملوا مناقشه كلامكم تمام جدا :)
آيه منوره البلوج يا فندم
يا رب دايما :)
اولا انا مش قلت خالص على المخطوبين
انا بتكلم على الارتباط الى مش تحت
اطار الشرع و التسليه
ثانيا برضو مش قولت او اى حد فى الردود قال اننا مش بنمنع الارمله مثلا
انها مش تحب من تانى
لأ طبعا من حقها انها تحب تانى بس برضو تحت اطار الشرع
وطبعا انا معاكى ان فى الشر والخير
والحلو والوحش
بس انا بتكلم ان البنت دى فى فيها دماغ بتفكر بيه ليه لما اى حد يقولها بحبك تجرى عليه
وتقوله وانا كمان ويعيشوا احلى قصه حب وممكن تكون اساسا لعب ومش صادقه
والولد بيلعب بيها ويمشى ويجى غيره
وتدى لده وده مشاعرها بالبساطه دى
ليه ؟
مش فيها دماغ تفكر
وعارفه دينها بيقولها ان ده غلط
وانها تحافظ على نفسها
بس ده الى بكلم عليه :)
يا ريت تنورينا تانى
سعدت بتعليقك :)
انا الى ثانكس يا نوجه
انك جيتى
ربنا يكرمك يا حوبى
ويحفظ بناتنا اجمعين
:)
عندك حق فى كل الكلام اللى انتى قلتيه بجد هو دة الصح فعلا لان دايما العلاقة الغلط ما بتستمرش اصلا
بجد حلو اوى المدونة بتاعتك اوى يا شيكو
عايزه اقول حاجه بس
الواحد ميقدرش يتحكم في مشاعره لما تيجي بس يقدر يحافظ عليها
toka
منوره ويا رب دايما :)
وشكرا جدا ربنا يكرمك
دعاء
كلمتك صح ربنا يبارك فيكى يا بنتى :)
بسم الله ما شاء الله
بجد تدوينة رائعة جدا ما شاء الله : )
ربنا يثبت حضرتك و يرزقك الزوج و الذرية الصالحة : )
و ان شاء الله هبقى اجي اقرا التعليقات دي كلها ، بس بعد الامتحانات بقى ان شاء الله D:
احم ،
تعليق على جنب كدا ،،،،
يا ريت حضرتك تبحثي في النت عن طريقة تغيير اتجاه الكتابة في التعليقات بتاعت المدونة ، لان التعليقات لما بتكون على الشمال بتكون رخمة في القراية : )
عموما لو حضرتك ملقتهاش ، هبقى اعمل موضوع بالطريقة في المنتدى
بس مش قبل ما تخلص الامتحانات ، يعني مش قبل شهر و نص تقريبا D:
سكيلتون
ربنا يكرمك يا رب:)
ويرزقك الزوجه الصالحه
وربنا يوفقك فى الامتحانات منتظرينك :)
وان شاء الله هشوف حكايه الردود دى :D
ربنا يثبتنا
...بوست جميل جدا
جزاكي الله خيرا
مممممممم....
طب ممكن اعرف باقي الحوار يا شيـــــكو
:D
مش غلاسة اكيد يعني
اولا : الحمد لله عل نعمة الثبات ربنا يزيدك من فضله ويثبتنا اجميعين ويهدي جميع الشباب سواء بنات او صبيان ويعصمنا من الخطأ
ثانيا: كل عمل وليه جزائه ...وهي مفترض كانت تفصل بين طيش شبابها وبعد ما تزوجت وخلاص بقت على ذمة رجل بيحترمها وبيحبها
الخيانة حتى في المشااعر والافكار
ربنا يهديها ويزيل عنها الافكار دي ويقرب حبها لزوجها
ثالثا: وهو الي انا عايزة اعرفه بقيت الحوار اكيد حاولتي تقنعي فيها و مكتفتيش بمجرد الفكرة كده وخلاص
حاولي تاني وتالت معاها بما انا صاحبتك واكيد هتسمع لكلام وادخلي لها بكلام طيب عشان متنفرش يا شيكو
بوها
اللهم آمين
واياكم يا فندم :)
روما
اولا منورانى وثانيا كلامك مظبوط جدا
وانا فعلا مش هسكت على حاجه غلط طبعا ،، كلمتها اكيد وبالرحه طبعا
عشان البنات فى المواضيع دى بتبقى قافله دماغها شويه ..
والحمد لله ربنا يكرمها بدات تستجيب
وربنا يكرمها بزوجها لأنه بجد محترم جدا وربنا يهدينا ويهديها ويهدى بنات المسلمين اجمعين يا رب :)
نورتى حبيبتى :)
المشاعر فعلا أمانة..
اقرئي هنا..
http://lafetat.blogspot.com/2008/12/blog-post_24.html
ربما تتوافق مع بعض ما كتبتي
وضاح
ربنا يكرم حضرتك قرأته
تدوينه جميلة :)
اسعدنى مرورك
أول حاجه عملتها ضورت علي تعليقي كنت فاكره أن معلقه علي كل حاجه بس للأسف البوست ده وقع مني الواضح بس قرائته قبل كده بس أنا مش عرفه فين التعليق اوعي تكوني أخدتيييييييييه وحشانييييييييييييييييي موتتتتتتت
تحياتي مبتسمة دائماااااااا
إرسال تعليق