السلام عليكم ورحمة الله وبركاته ،،
البوبست ده لمناقشة ونقد القصة بس احب اقول كام ملاحظة كده
.. 1 ..
انا كتبت اول خمس سطور من 3 سنين فاتوا وبعدين
توقفت مش عارفة ليه
.. 2 ..
فكرة القصة كانت غير كده تماما بس الى رجعنى اكتب تانى
بفكرة جديدة هو " فيلم " " اسف على الازعاج "
وعملت طناس وليس اقتباس للفكرة
عشان الى مش عارف الفيلم بيحكى عن شاب
والده توفى وهو بيحبه جدا فمش متقبل فكرة انه يبعد عنه
بعد موت والده استمر عقله الباطن يصورله انه عايش ومعاه
بيكلموا وبيخرجوا و و و .. وكمان خياله صوره بنت بيحبها
ونفس حكاية والده برضو نفس الكلام معاها
فى احداث كتير لكن دى الفكرة الاساسية
حبيت الفكرة جدا والفيلم لدرجة ادمان وحبيت اكتب حاجه زيها
وكتبت القصة بس طبعا السياق الدرامى غير
.. 3 ..
اسم القصة اجلته فى اول جزئين لأنى مش استقريت على اسم معين
فى الاخر اخترت " السراب "
.. 4 ..
الشخصيات مش حقيقية طبعا
.. 5 ..
خليت النهاية مفتوحة علشان كلوا يتخيلها بطريقته
وهبقى اقول نهايتى انا بعد ما تقولولى انتوا
.. 6 ..
طبعا كلام القصة والشعر من تأليفى
فياليت لو فى اى غلطات املائية وانا عارفه انها كتير
صلحوهالى واعذرونى لأنها اول مرة اكتب حاجه زى كده
بس كده اتفضلوا حدفوا طماطم ^_^
قصدى انقدوا :)
31 التعليقات:
اخيرا قرتها كنتى ذلانى علشان اقراها
المهم جامده جدا حلوة اوى والله
عجبتنى جدا بس فى حاجه
بتقولى ان الشخصيات مش حقيقية هاتى
اثبات :D
اديكى انا اثبات ان فى شخصية منهم
حقيقية
دايموند دى هى شيكو صح ؟
كلمتك المعهوده هى هى , عندك ,كلامك
بتحبى فاروق جويدة الى كتبتى حته من
قصيدته بتحبى الموسيقى نسيتى تقولى
موتزار كمان :D بس ربنا هداكى دلوقتى
اسيح تانى ولا لأ
ههههههه علشان تبقى تخبى عليا القصه
ومتخلنيش اقراها تانى وتذلينى عليها
ماشى
هجيلك تانى :D
٢ تعليق نقد أيه دي تحفة النهاية ألي عندي أن الولد شبح مات لما كان معها في ثانوي وكان بيحبها جداً كانت ماشية في الشارع و هو قرر يعترف لها بحبه ليها وهو بيعدي الشارع دستوة عربية مات والبطلة لم تعرف شكله علشان الدفعة كبيرة أوي ولما مات بقى شبح وقرر أنه يعترف لها بحبه علشان كدة صاحباتها مش شفته
روعة روعة روعة يا شيكو بجد ولله
تحياتي لاحلى مدونة
تحياتي مبتسمة دائماً
تحفففففففففففففففففففففففففففففففه
بجد بجد يعنى تحفه
بس كده مش عارفه اقرب للنهايه
حاسه زى ما يكون ليها باقى
طيب هى هتعرف انه خيال ولا ايه؟؟؟؟؟
بس بجد يعنى من احلى المدونات اللى قريتها
جو فور وورد هنى
ماشاء الله رائعه جداااااااا بجد
ماليش اي نقد عليها
كنت عايزها اطول بس عشان عجباني وكنت عايزها تستمر :)
حلوه اوي بجد وياريت نشوف حاجات كتير من دي
رهيبه !!
اع>ريني اولا ياشيكو اصل اليومين دول اخر لخبطه معايا
بس انا قريت القصه
بجد عجبتني اوي واثرت فيا جداااا
خصوصا لما حسيت ان صاحبتها ابتدت تشك ف عقلها
بجد جميله اوي وماظهرش احمد حلمي اوي والفيلم فيها
مبدعه يا شيكو
ياريت نشوف من ده كتير
سلام ياقمرتي
ماما شيماء انتي هتيجي يوم ٨/٨ الأزهر بارك ؟؟؟؟؟؟؟؟
7elwa awy : )
انا جيييت ^_^
عذرا للتأخير :)
محمد " ابو سالم " لينا بيت نتعرك
هوناك :D
ايه التسيح ده بس
هو بص مش كان فى حد اعرف خباياه اوى
غير نفسى حتى لسه مش وصلتلها كويس
فأقتبست منى شخصية البنت والولد كمان
عشان مش تزعل :D
لا مش تيجى تانى شكرا على التسيح ده
:@
رنيم :)
ايه النهايه الغريبة دى جبتيها منين :D
انا قولت انه فى ثانوى ومش اعترف
والحاجات دى هتبوظى السيناريو :D
المهم نورتى وربنا يكرمك حبيبتى :)
محبة محمد :)
ربنا يكرمك يا قمر
طيب الاول هوضح انا سبتها مفتوحه
عشان اكيد كل شخص بيقراها عايز
نهايه معينه " مش قادره تنساه
وتخيلتوا تانى " او " ظهر واحد
حقيقى فعلا " او او او فأنا سبتها
كده فأكيد ليها تكلمه عند كل حد
مش انا بس انا كنت هكملها بنفس
الطريقة بس عشان القارىء مش يمل
فضلت اسبها فتوحه لأنى كمان بحب
النهايات المفتوحه بحس ان فيها فكر
وتشغيل الذهن شويه :)
بس كده
عمك ياض :)
ربنا يكرمك من ذوقك بس
طويب ما تكملها انت ؟
زى ما قلت سبت النهايه مفتوحه
عشان كل واحد يشوفها بعين نفسه
انت شايفها ازاى " النهايه " ؟
:D يلا تدبيسه
مونى :)
الله يكرمك يا رب :) ميرسى اوى
لا مش ظهر احمد حلمى :D
نورتينى
رنيم
:D
ليه ؟ عاملين ليا احتفال بمناسبه
القصه ولا ايه :D ?
لا الحكيكه مش عارف فى ايه هناك
عشلن اروح ^_^
هيلسنج
ميرسى :)
حلوه اوىىىى
بجد
تحفه
اوى
اوى
اوى
عقلى الباطن رافض انها تبقي بتتخيل ياشيكو D:
احنا ممكن نزبط شوية حاجات فى الاحداث ونخليه يبقي حقيقي
او ممكن نعمل نهاية تانية
انها تخيلت الشخصية اللى فهماها اوى دي من غير ماتتكلم وشخصية رجل رومانسي اوى كدة نتيجة ان الدنيا مبقاش فيها النموذج ده خلاص
ده بالنسبة للنهاية
فى حاجة تانية بقي بالنسبة للاحداث
حسيت فى الاول انها كبرت الاحساس جواها بسرعة اوى
يعني هو حصل لقاء واحد بينهم وبعدين غابت عنه اسبوع
الشوق واللهفة اللى كانوا جواها بعد الاسبوع للقاؤه بالاضافة لليقين كانوا مبالغ فيهم شوية
يعني لو لقاء حصل كدة .. هتبقي البنت لسة عايزة تتأكد ان الموقف ده طبيعي ومش مصطنع الاول وتتأكد ان المشاعر دي حقيقية .. فمش هتروح تبقي مستنياه بيقين كدة وخاصة ان دخلته عليها كانت اجرأ من المعتاد ومباشرة اوى
كان ممكن تقولى انه بيقتحم بالها كل شوية بس هي بتستنكر تفكيرها العاطفى ده
كان ممكن ندخل صراع العقل والعاطفة ده شوية اكتر
ومحتاجة اطناب كتييييير وتطويل كتير ياشيكو
هديكي مثل
مثلا : "كعادتى استيقظت صباحا وذهبت الى البحر"
الجملة دي كان ممكن تكتبي فيها 5 سطور عن انها صحيت ازاى وحالتها النفسية ازاى وهل هي صاحية مبسوطة وفى ابتسامة خفيفة تداعب شفتيها لدى رؤيتها امواج البحر الهائجة والتى تعشق اصواتها بفصل الشتاء ... وهكذا
ارغى ياشيكو D:
الاسلوب الادبي بيبقي فيه التشبيهات والاطناب اكتر
بالنسبة للغويات
فى غلطة شائعة عندك
"لم" اداة من ادوات الجزم .... الافعال بعدها بتبقي مجزومة وبيتحذف منها حرف العلة يابنتى
زى "لم اراه" بتبقي "لم اره"
"لم يأتى" بتبقي "لم يأت"
"لم استطيع" تبقي "لم استطع"
- فى كلمات عامّية داخلة فى القصة زي "اخذ بالى عليها - تصمرت "
وبعدين لو هي رومانتيك كدة فى حاجة مخدتش بالها منها
لما استعجل وقام قالها"سأرحل الان
واراها فيما بعد ،، الى اللقاء سأفتقدك حبيبتى"
هي عادي كأن كلمة حبيبتى دي بيقولهالها كل يوم D:
ده كان المفروض قلبها يعمل زلزال يعني
هي عذرها انها كانت مستغربة مش مشكلة دي D:
رابع او خامس حاجة بقي
حتة الشعر اللى انتى كتباها روعة بجد جدا ماشاء الله
مكونتش اعرف انك بتكتبي شعر جامد كدة :)
القصة بتعبر عن بنت قمة فى الرومانسية ...
بنت رقيقة متأثرة بقراءات جميلة
وشعر اجمل
كتر النقد بتاعى ده او طوله مش بيدل على حاجة غير ان القصة عجبتني جدا بجد
عاجبني اوى طبيعة الشخصيتين بغض النظر عن واقعية حد فيهم
بس عاجبني الطبيعة الصافية النقية اللى نادرا ما بتقابلى حد منها فى الحياة الواقعية للاسف
رومانسية البنت ممكن تبقي جوا كل بنت فينا بس الحياة خليتها تتنحي جانبا وتجبر البنت انها تخبيها لوقتها المناسب ... اللى هو يمكن ميجيش حتى لو ارتبطت بحد ميفهمهاش
شيكو
ماتزعليش من النقد السخيف الطويل
بس بجد اكتشفت حد بيكتب حلو اوى من القصة دي :)
واكتشفت بنوتة رقيقة اوى كمان :)
ياريت بقي يبقي فرحهم الخميس الجاى D:
كفاية كدة احسن كل ده بقرا وبكتب التعليق بعين واحدة وتعبت D:
شيرى حبى
منووووووره :)
ربنا يكرمك
مومووز :)
نورتى يا حبى مره تانى
جيالك عشان اعلق على تعليقك المتعلق :D
جاري القراءة باذن الله
عزيزتى
اول حاجه انا اول ما لفت نظرى جملة متشابهه عن القمر والبعد والقرب عنه كتبتها ما الفارق طبعا فى المضمون
الستات دول زى القمر..........من بعيد حلوين أووووى......بس لما تقربله تعرف أنه مش قمر.....وكنا فيه مخدوعين أوووووووى
طبعا تاثير فليم اسف على الازعاج مضيع بعض جمال القصة
بس انا شايف ان جمال القصة مش فى انه طلع سراب لانى اللى حصل مش سراب ده حلم
وحلم اقرب من سراب
لان الاساس فى الموضوع الحلم اللى بيحلمه اى انسان فى الانسان اللى ممكن يحبه ويرتبط بيه
وازاى ممكن يبنى ويرسم شكل معين لحلمه ده اللى ممكن يتحقق وممكن لا
اتمنا اكون قولت شئ مفيد
والشعر عجبنى اوى اوى
تحياتى
سلام
شيكوووو فينك !!
بعتذر منك مقولتش ملاحظاتي انتي عارفه اللي فيها
بس مومو قالت على معظم الملاحظات
يللا عايزين حاجه تاني جامده زي دي
ma sha2allah el blog bta3tk 7elwa awy ya shiko ar7b daymn beky fe el blog bta3t :D:D
مفيييييييش حاجه جديدة لييييييييييه
عايزين حاجه جديدة
شيكووووووووو ايه بس الغياب ده كله ولا بوستات جديدة ولا دخول علي المسنجر وحشتيني بقي أنا كل ما توحشيني أدخل عندك و أقعد القراء البوستات كلها حفظته خلاصصصصصصصصصصص ماما مش هينفع كده في حد يبعد عن بنته كتير كده؟؟ ده يعتبر تقصير هههههههههههههههه بجد وحشاني وبجد عاوزكي أنا عاوزههههههه ماماااااااااا عااااااااااااااااااااااااااااااااااااااااااااااااااااااااااااا
اين جديدك عزيزتي شيكو!!!!
كل سنة وانتي طيوبة ورمضاان كريم
صحيح غيري لينك مدونتي على الليست من لايف بوكس لهلفطة
و حطي سي بوكس عشان نعمل تعليقات عامة امثال هذا التعليق
أحساس لسه حى...كلام من جوه روح لكل روح يقول...
رأى حضرتك ويحترم وانا سعيده بيه طبعا :)
ربنا يكرمك يارب
:)
انا التى ..
انا غيب كتير اووى معلش حبيبتى :)
وطبعا مومو وفت وكفت
توكا
اسعدنى مرورك جداا ،، ان شاء الله هبقى ازور مدونتك :)
منوره
رنيم ..
بقالى كتير مش دخلت خالص
وحشتينى جدااا جدااا ان شاء الله هنزل
حاجه جديدة قريب
ام فوبادا
حاضر حبيبتى هحط ،، والله اكرم
متاخره اووى بس معلش بقى
إرسال تعليق